近期Aaliyah爱上帮Rihanna妹妹影靓靓
仲要检查自己影完嘅相...几认真
不过Aaliyah影出嚟嘅....手震震...唔系枕头床单,就系妹妹半边手半边脚,无张影到样,难为Rihanna每当Aaliyah叫"妹妹Cheese",佢都好有诚意去望镜头呢
Aaliyah影嘅....免得睇到大家眼花,唔post出嚟喇,还是留待佢自己欣赏好了
讲吓Rihanna妹妹近况啦,近期非常合作,这星期每晚十二点饮过奶奶后,到朝早七点多先再饮呢,有时连妮妈瞓醒佢都未起身添嫁,而且Rihanna甚小扭计,放佢落床仔就自己周围望,唔多扭人抱嫁...唔错,唔错,同家姐一样细时好好凑呢
至于Aaliyah,有乖有唔乖,开始无咁听话,不过好正常嘅,小朋友大多踏入两岁都变得唔听话,人家常说Terrible Two嘛,可以理解嘅,现今家中某墙角已成为我跟Aaliyah讲道理嘅Naughty Corner呢不过曳还曳,唔失控时Aaliyah依然好可爱嫁,前一排Aaliyah最爱唱Alphabet Song....A.B.C.D.E.F.G.,不过近期可能睇得电视多,真系估佢唔到呀....大三巴,观音像,.....买手信,买手信佢近期最爱唱嘅系咀香园广告歌呢
全站熱搜
留言列表