Rihanna妹妹近期最爱食物~手指公
基本上只要有嘢比佢揸上手.....佢都会放入口
不论公仔,手巾...就连捉到我只手指,佢都唔放过,但唯独奶咀就无兴趣
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
今日Aaliyah瞓到成十点都唔愿起身,叫极佢都唔理我,不过一放妹妹上佢床就即刻醒晒,仲伸过靓懒腰添,点解?
因为前几日两个都伤风,己经好几日无"姊妹亲一亲",几日来Aaliyah话想抱妹妹都唔可以,今日两个都好返晒,有得同妹妹近距离接触,Aaliyah当然成个醒晒兼开心啦
之后刷完牙洗完面,我哋就落街食嘢喇,今日好好天有成二十五度,Aaliyah又可以着返短袖衫啦
每次出亲街Aaliyah都话要推车仔带埋肥B去,你睇佢,成个师奶仔咁呀
我哋坐低食嘢时仲撞到个朋友仔添呀,唔知大家仲记唔记得佢呢,小Tracy呀,大个咗好多唔同咗样呀,不过仲系好可爱
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
之后返到屋企叫Aaliyah瞓晏觉,足足由两点开始叫,叫到成三点几先舍得瞓
第一次入房check佢瞓咗未.....佢就除咗条裤落地喺床玩玩具(乖啦,快d瞓啦...
.)
第二次入去......佢就玩紧空中飞人
(仲唔瞓!!快d瞓呀!!!
)
第三次入去....竟然落埋床玩玩具
(话唔听,你身痕顶喇.....)
比人闹完一轮之后,结果死死地气返上床瞓觉啰.
系唔系想问点解妮妈一定要迫Aaliyah瞓晏觉呢?
因为如果佢唔晏觉,当晚嘅Aaliyah就会患上燥狂症,乱发脾气兼劲扭计,而且夜晚仲会发恶梦狂喊添,所以晏觉系一定要瞓嫁
到咗夜晚,晚饭过后,估吓Aaliyah食乜???
Daddy买嘅朱古力波板糖,想唔变肥妹仔都唔得啦
至于妹妹无份食.....未猛咁望住家姐食啰
全站熱搜
留言列表
