利用博客赚一百万美金（真实成功案例）SEO优化 赚钱指南 赚钱技巧 赚钱经验 赚钱宝典 赚钱休闲

寻日去饮茶见点心纸上有款叫"精美小白兔",一于叫比Aaliyah食吓啦,原来只系绵花糖3只~揾笨嘅,仲要成$16.8

最惨就系Aaliyah太有爱心喇,佢唔忍心食咗只白兔呢

到咗今日年三十,最后一日当然行吓花市啦,出维园旺角,Aaliyah同Rihanna实比人迫死都似,所以去个无咁远嘅荃湾算喇

行咗十几分钟己经行完,战利品系Aaliyah近期至爱嘅史迪仔波波一个

仲有米奇一只,Aaliyah人又细粒,又要揸住个气球周围飞,结果一个花市内至小有超过三十个人中咗Aaliyah嘅气球波饼....好在唔痛嫁咋之后行咗无耐落雨,好...唯有转移阵地去行商场啰

你睇,你睇,系唔系人比花娇呢

行完一轮坐低食嘢,都话缘份依家嘢呢.....竟然撞到Blog友LaNoB呀

,

自妹妹喺妮妈肚里时,我已帮你选定男友仔呢,LaNoB几好吖到妹妹出世后大家一直未有时间见面,今日一撞~缘份呀缘份呀你睇吓~郎才女貌几衬,夹得嚟~夹得嚟

而且LaNo妈猛话Rihanna好可爱,抱住妹妹抱到唔舍得比返我,就连LaNo爸都有抱吓妹妹呢~老爷奶奶爱新抱~好事嚟嫁,好事嚟嫁,将来入门有望喇

至于包租公恒恒猪,每次见到我家妹妹都叫"老婆仔".......恕我唔能够成全你哋喇,话晒全blog界都知你跟家姐仔曾经有过一段情嘛,而家唔爱家姐爱妹妹..........唔得嘅唔得嘅~妮妈唔赞成嫁,对唔住喇恒恒猪又要你伤心多次